
Protetika rikthen funksionin dhe estetikën e dhëmbëve tuaj me kurora, ura, proteza dhe rikonstruksione estetike. Duke përdorur zgjidhje moderne dhe një qasje të personalizuar, sigurojmë pamje natyrale dhe rehati në çdo buzëqeshje.

Stomatologjia e përgjithshme është themeli i shëndetit oral. Në klinikën tonë ofrojmë kontrolle të rregullta dentare, pastrim profesional të dhëmbëve, mbushje dhe trajtime të kariesit, si dhe këshilla për kujdesin e duhur oral. Prioriteti ynë është diagnostikimi i hershëm dhe ndërhyrja në kohë për ruajtjen e shëndetit tuaj oral.


Kur një dhëmb është dëmtuar rëndë ose i inflamuar, trajtimi endodontik (i njohur si trajtimi i rrënjës së dhëmbit) është mënyra më e mirë për ta shpëtuar atë. Me teknika precize dhe pajisje moderne, ofrojmë trajtim pa dhimbje dhe mbrojtje afatgjatë të dhëmbit tuaj.

Shëndeti oral fillon që në fëmijëri. Ofronjmë qasje miqësore dhe kujdes të specializuar për pacientët më të vegjël, përfshirë trajtime për dhëmbët e qumështit, mbyllje të fisurave, edukim dhe adaptim. Qëllimi ynë është t’u ndihmojmë fëmijëve të zhvillojnë një qëndrim pozitiv ndaj vizitave dentare.

Kur një dhëmb nuk mund të shpëtohet, nxjerrja është e nevojshme. Procedurën e kryejmë me kujdes dhe me anestezi lokale, në mënyrë që pacienti të mos ndiejë dhimbje dhe të rikuperohet sa më shpejt. Gjithashtu realizojmë edhe nxjerrje kirurgjikale të dhëmbëve të komplikuar apo të dhëmbëve të pjekurisë.

Stomatologjia estetike moderne ju mundëson të përmirësoni pamjen e buzëqeshjes me rezultate natyrale dhe diskrete. Shërbimet tona përfshijnë faseta kompoziti, korrigjimin e formës dhe ngjyrës së dhëmbëve, mbylljen e hapësirave (diastemave) dhe zgjidhje të tjera estetike—gjithçka për të ndiheni të sigurt dhe të kënaqur me buzëqeshjen tuaj.


Ofronjmë rëntgen panoramik dixhital të cilësisë së lartë (ortopantomografi) dhe imazhe lokale (peri-apikale)—të domosdoshme për diagnozë të saktë dhe planifikim trajtimi. Imazhet janë të sigurta, me dozë minimale rrezatimi dhe të disponueshme menjëherë për shikim dhe analizë.

Zbardhja profesionale e dhëmbëve është një mënyrë e sigurt dhe efektive për të ndriçuar buzëqeshjen tuaj. Ofronjmë sisteme zbardhjeje si në klinikë ashtu edhe për përdorim në shtëpi, të përshtatura sipas dëshirave dhe nevojave tuaja. Me kujdes të duhur, rezultatet janë të dukshme dhe afatgjata.

Në bashkëpunim me specialistë të kirurgjisë orale, ofrojmë zgjidhje implantologjike për dhëmbët e humbur. Implantet sigurojnë rezultat të qëndrueshëm dhe afatgjatë, me pamje dhe ndjesi natyrale. Çdo rast planifikohet individualisht në bazë të rëntgenit dhe vlerësimit 3D.