Во нашата ординација добивате комплетна грижа. Од превенција и естетика, до најсовремени третмани за секој член на семејството. Дозволете ни да ја создадеме вашата најубава насмевка!
Откријте ги сите услуги што ги нудиме, внимателно објаснети и прилагодени за секоја ваша потреба. Прочитајте повеќе за секоја услуга, како и за нашите методи и пристап, и изберете ја вистинската услуга за вашата насмевка.

Протетиката овозможува враќање на функцијата и естетиката на забите преку изработка на коронки, мостови, протези и естетски надградби. Со современи решенија и индивидуален пристап, обезбедуваме природен изглед и удобност при секоја насмевка.

Општата стоматологија е основата на оралното здравје. Во нашата ординација нудиме рутински стоматолошки прегледи, професионално чистење на заби, пломбирање, и третмани за кариес, како и советување за правилна нега. Наш приоритет е раната дијагноза и навремена интервенција, со цел зачувување на вашето орално здравје.


Кога забот е силно оштетен или воспален, ендодонтскиот третман (познат и како вадење на жичка/нерв) е најдобро решение за негово спасување. Со прецизни техники и современа опрема, овозможуваме безболен третман и долготрајна заштита на забот.

Оралното здравје започнува од најрана возраст. Нудиме пријателски пристап и соодветна нега за најмалите пациенти, вклучувајќи третмани за млечни заби, запечатување на фисури, едукација и адаптација. Нашата цел е децата да развијат позитивен став кон стоматолошките посети.

Кога забот не може да се спаси, се пристапува кон негово вадење. Процедурата ја изведуваме внимателно и со локална анестезија, со цел пациентот да не чувствува болка и да има што побрзо закрепнување. Изведуваме и хируршки вадења на комплицирани заби или умници.

Современата естетска стоматологија овозможува подобрување на изгледот на вашата насмевка со природен и дискретен резултат. Понудата вклучува композитни фасети, корекција на форма и боја на забите, затворање на простори (дијастеми), и други естетски решенија – сѐ со цел да се чувствувате самоуверено и задоволно со вашата насмевка.


Нудиме висококвалитетни дигитални панорамски РТГ снимки (ортопантомографија) и алвеоларни (локални) снимки – клучни за точна дијагноза и планирање на третманите. Снимките се безбедни, со минимално зрачење, и веднаш достапни за преглед и анализа.

Професионалното белење на заби е безбедна и ефикасна постапка за освежување на вашата насмевка. Нудиме in-office (во ординација) и домашни системи за белење, според вашите желби и потреби. Со правилна грижа, резултатите се видливи и долготрајни.

Во соработка со специјалисти по орална хирургија, нудиме имплантни решенија за изгубени заби. Имплантите претставуваат долготрајно и стабилно решение, со природен изглед и чувство. Секој случај се планира индивидуално, врз основа на РТГ снимки и 3D проценка.